Y tai a'r gerddi hanesyddol gorau i ymweld â nhw yng Nghymru

Mae Bodrhyddan Hall yn adeilad rhestredig Gradd I ac mae wedi bod yn gartref i’r Arglwydd Langford a’i deulu ers dros 500 mlynedd. Mae wedi’i leoli mewn nifer o erwau o erddi ffurfiol hardd a choetir wedi’i adfer. Mae’r tŷ yn un o’r ychydig blastai yng Nghymru heddiw sy’n eiddo i’r teulu.

Mae’r gerddi’n cynnwys rhannau amrywiol fel gardd goetir, gardd furiog, tair gardd ddŵr, gardd raean (enillydd gwobr Cymdeithas Diwydiannau Tirlunio Prydain), yn ogystal â rhannau o’r ardd sydd wedi’u plannu’n ffurfiol ac yn anffurfiol.

Mae Castell Gwrych yn blasty rhestredig Gradd I yng Ngogledd Cymru ac yn un o’r atyniadau mwyaf poblogaidd ym Mhrydain oherwydd iddo gynnal I’m A Celebrity… Get Me Out of Here!  am ddwy flynedd ddilynol.

Wedi’i ddylunio gan Lloyd Hesketh Bamford-Hesketh a’i adeiladu rhwng 1810 a 1822, mae Castell Gwrych yn ymgorffori delfrydau’r Mudiad Rhamantaidd sydd wedi’i osod o fewn tirwedd hardd ond eto’n hynafol ac ysbrydoledig.

Mae Hartsheath yn dŷ gwledig Gradd II* o’r 18fed a’r 19eg ganrif, wedi’i leoli mewn parc wedi’i dirweddu o’r 19eg ganrif.

Mae’r Ystafell Groeso wedi’i haddurno â thechneg trompe l’oeil gyda motiffau pîn-afal. Mae’r tŷ hefyd yn cynnwys casgliad unigryw o ddarluniau dyfrlliw Cymreig a gweithiau gan Isidor Kaufmann “Holbein Iddewig”, yn ogystal â chasgliad diddorol o ddodrefn a phorslen.

Adeiladwyd Plas Brondanw gan deulu Clough Williams-Ellis tua 1550. Rhoddwyd y tŷ iddo gan ei dad yn 1908.

“Er mwyn Brondanw y gweithiais mor galed” ysgrifennodd, “er mwyn y lle hwn yr oeddwn yn gobeithio elwa yn y pen draw”.

Disgrifir Gerddi Cudd Plas Cadnant fel un o gyfrinachau gorau Gogledd Cymru. Maent wedi’u lleoli yn ymyl y Fenai, y tu ôl i’r coed ger Porthaethwy ar Ynys Môn.

Ym 1996, prynodd y perchennog presennol Ystâd Plas Cadnant gyda’i 200 erw a dechreuodd y gwaith o adfer yr ardd a’r tiroedd hanesyddol. Ers hynny mae rhannau helaeth o’r gerddi wedi cael eu trawsnewid ac wedi cael eu hadfer i’w hen ogoniant.